Nagsarang na an balita.
Tikang han iya classmate nakuha niya an usa nga local landline number "tawagi iton nga number" siring han iya classmate. "Kay ano?" pakiana niya, ngan waray na babaton an iya classmate ngan gindiwara nala niya an pulong hini.
Waray niya gagari pagtawag an ginhatag nga number, ginhunahuna niya nga bangin la naglilinurong an iya classmate ngan bangin liwat hiya mabusaan kun hin-o man iton nga gintatawagan.
Kasunod nga adlaw, naging topic ha ira classroom nga mayda nira gintawagan nga telepono nga weird kuno. peru puru paprehus an ira mga experiences han ira ini tawagan, na-curios hiya ngan para diri hiya mahalata nga makikisagbang hin istorya, waray nala hiya panmamati o manmakiana kun ano gud mayda adto nga numero.
Pag uli niya ha ira balay samtang tipasulod, nahidumdum pa hiya han numero, mapresko pa ha iya panhuna huna an pito nga digits hi usa nga telepono.. dagmit hiya hinmarani han ira telepono ngan, utro nagruhaduha..
Kahuman han ira pangiklop, samtang nagkikita hin telebisyon, baga baga hin natitintal an iya mga kamot nga kaptan na an telepono nga i-dial na an numero. peru napirde la gihap hiya nga diri pumadayon. han tikaturog na hira, ngan mamingaw na ha ira, amu la an iya pakahigayon nga testingan pagtawag han numero, pakakapot na niya hini, nanngungurog an iya mga kamot hin pagpidlit han mga numbers ngan han nag ring na, dagmit ini niya nga gin hang, han iya na ini ginbutang balik, tigda liwat ini nag ring.. waray ini niya babatuna tungod hin kahadlok kutob nga umundang nala pag ring an telepono.
Duru na an iya kulba ngan diri na hiya nahimumurayaw, peru diri hiya maaram han rason kay anu nasusugad hiya, kahadlok ba? bangin daw gintitinuyaw la hiya para mahadlok.. sanglit, iya na ini gin tawagan utro...
Nag ring na.. ngan han ika tulo hini nga pag ring, bati batian nga umangat an telepono, may natuok nga bata, na usig nga ayam, nabuong nga salamin ngan nagpapatukar hin piano ngan an katapusan tubig nga humuwad nga baga baga hin tipahirani ha iya an tubig sanglit iya ini gin parong...
Han iya duru nga kulba, waray hiya hingaturog.. han pag kaaga, malain an iya pamati...
Han mag-aandam na unta hiya pagsulod ha eskwelahan, mabug-at an iya pamati, “pagmata na!, mali late kana ha eskwelahan” pagpukaw han iya mama. Dagmit hiya tumukdaw mintras mabug-at an iya pamati. Mahuruhiranat ngan maluyahon an iya pamahong pahong, baga baga hiya hin nabubungol han iya nahibatian kagab-i…
Nasulod han iya huna huna nga kay anu may bata nga nagtitinook? Ayam liwat
nga nag iinusig ngan hin-o an nagpapatukar hin piano?? Kay anu may nabuong ngan anu liwat ano tubig nga baga baga hin tipahirani ha iya…
Nalutaw pa hiya intawon han kahadlok ngan mga pakiana kun anu mayda adto nga numero, han…
“hin-o nim gintawagan kagab-I” pakalas han iya ate.. “napakalas Kaman!” baton niya… “nakit-an ko ikaw ha telepono, mayday nim tatawagan, ses, may uyab kana ano?” tuyaw han iya ate. “waray waray..” baton niya, ngan dumiretso na hiya pagkadto ha kariguan.
Han manngangaon na hira han pamahaw,
ATE: hin-o balitaw nim gintawagan kagab-i? baga ka man hin nalisang han kahuman ngan yana liwat baga baga ka hin nalutaw [samtang liwat namamati an iya mama]
HIYA: waray gad udog
ATE: [nag iistorya kan iya mama]ma, ngay-an, last week, mayda gintawagan nga telepono an ak classmate, grabe ma, 3days hiya nahirantan kay baga baga man kuno adto hin haunted nga telephone. Harus ngani kuno tulala hiya prime after niya kuno mabatii an mga sounds ha usa nga linya.
MAMA: diin ka liwat iton nga storya?
ATE: ma, tinood kuno iton, gintagan an han number han am usa liwat nga classmate ginpapatry ha akon pagtawag ka nahadlok kuno hiya.. tas ito liwat nga ak classmate nga nahirantan, iya mama kuno an nagsumat ha iya nga tulala hiya hin 3 days, maluyahon paman adto na amon classmate.
MAMA: ayaw iton pagtawagi.
ATE: curious ako ma kun anu gud man mayda adto nga number, naawud man lwiat ako pamakiana kay bangin gintitinuyaw la ak nira.
HIYA: bata nga natook, ayam nga nausig, piano nga natukar, salamin nga nabuong, ngan tubig.. oo tubig..
MAMA: gintawagan mo?!
[ngan tumangdo la hiya]
MAMA: Diyos mio, maaram ako it istroya iton.. may kaya iton hira, duha an anak, an usa baby pa. mayda liwat nira dara dara nga ayam kay duru ini nira ka pinaura.. an babae, an nanay, mahilig magpatukar hin piano para pakaturugon an iya anak, samtang an ayam in nakikigmulay han usa nga bata, ngula an usa nga bata.. makiwa.. an ayam la an iya kamulay, ngan prime kuno ini nakakabuong.. an tatay adto liwat prime ha opisina. hira nga tanan, hirani mag pasko, mabiyahe unta pakadto han lugar han lalaki para didto magcelebrate, tungod nga nagdadagmit para makauli hin sayo, nagdadagmit an nanay upod han iya duha nga anak makasakay han dako nga barko, nagpabilin anay an tatay kay may huhumanon pa ha opisina ngan malanat nala hiya… pira ka oras an nakalabay, balita nga nadisgrasya an dako nga barko. Diri nakatood an asawa ngan ini in nahimatay.. han kahaw hawi na hini, dagmit ini nga umuli ha ira ngan kumadto han pantalan para bumulig han pamiling han iya asawa.. han kamakuri han sitwasyon nahulop na hiya nga mhikit-an an mga lawas han iya pamilya..
ATE: Ma, kahuman? Anu liwat an koneksyon hiton han telepono?
MAMA: umuli hiya ha ira balay.. damu an nagtawag ha iya, an iya mga urupod, an iya mga sangkay..diri hiya nabaton han telepono, gin aangat la ini niya… nangangamusta kuno kun nakit-an naba an lawas han iya magnanay, kun ok la hiya, ngan naghahatag hin kusog unta para han nahinabo, peru kutob la kuno afto pamati, nabati la hira han hininga hini nga sunod sunod kalaski ngan prime kinukulba.. danay liwat kuno nahibi la.. ngan an nagtatawag amu nala an nabubutang han telepono.. Ngan maaram ba kamo nga after 3 days, ini hiya nagpakamatay? Naghikog ha sulod han ira panimalay han diri na niya nailob an kakuri han sitwasyon… An ira panimalay ngadto hiton nga subdivision, mayda kuno panahon nga aada iton hiya han purtahan naghuhulat, ngan liwat, naabot an iya magnanay upod pati an ayam han iya anak.
Han duru nga pangurog han nahibatian niya an sumat han iya nanay, dagmit ini hya nga nawarayan hin katawo ngan natumba nala ngan nakadal na han hiranat. Waray nala ini hiya pasudla ha eskwelahan ngan gintagan hin medisina ni iya mama.
Han nagmata na ini, ginyakanan hiya niya mama nga “ha imo kalugaringon, pag sorry ha ira anak, ginbantad mo hira.. damo na kamo nga nagtitinawag ha ira.. diri paghatag hin pagpakusog han katawo han tatay an iyo purpose.. makuri an sitwasyon niya anak, diri liwat niya tinuyo nga mahadlok kamo”
Ngan kahuman hiton, waray nala hiya mag istorya ha ira eskwelahan parte han nahinabo…
[TAPOS]
Posts
